#Eleksyon2022 #Halalan2022

Agidaw, agidaw.

Nakarasikas na it Pilipinas. Bagan harani na mangalimot na mayda pa COVID-19 pandemic. Natika-marisyo, natika-mas-aktibo, nakarasikas it mga tawo mapa ha syudad man ug ha mga bungto. 

Syahan, ada kay baga inaabat ta man na natika-guti na an kaso han COVID-19 kada adlaw dinhi ha atun dapit ha Sinirangan Bisayas. Ika-duha, ada ano paman--an baga tiarabot nga gi-pipyestahi han mga pyesta kada tulo katuig--ELEKSYON!

Baga damo na it nag-aragway ha ak wall agi la hin mga diskurso politikal. Hi talpulano baga ginbasted kuno ni pulana kay agi han ira pagdiri pagkaasya hin bubutosan han 2022 nga piniliay. Siring pa, baga waray kahiasyahi hi babayi han kulor han iya manguruyab. 

Ikag-urusa nga mingaw an mga kumarandidato mga pira kabulan san-o an pagsalawad han mga kandidatura. Ada, nanhimaan han 2016 ngan han mga nakalabay nga pinili-ay? Kun mahinunumdom kamo hadton 2016--OO! 2016 pala an kadam-an pakasabot han istayl han usa nga partido--kun diin an mga nangunguna ha surbey san-o pa an pagsalawad in gintitira tira dayon hasta magbaraho ngan diri na mapili-pili para ha mga manburutos. Mayda hadto baga usa katuig pa san-o an 2016 nga piniliay in nagpabati na nga makandidato ka presidente. Ada ano man an resulta? Bisan pa adto hiya pirmi numero uno ha mga surbey, baga tigda nagluslos. Kay ano man? Simple la. Hinay-hiya gintira paluyo-luyo hasta in hiya waray na makarekober ha mga surbey hasta ngadto han pinili-ay. Makusog adto nga kandidato, pero pakyas daw an mga ambisyon kay an mga kontra magkarit magmani-obra. Salit amo iton, para hit 2022 han yana dawla na Oktubre nag-kaada klaro kun hira hin-o. Mayda pa ngani pabitin ala dramarama hasta han Nobyembre 15.

Ha pagkapresidente, baga unum la it klaro.

1. LENI ROBREDO

2. BONGBONG MARCOS

3. ISKO MORENO

4. PING LACSON

5. MANNY PACQUIAO

6. BONG GO

Baga amo gudla ini hira it magtunog nga mag-aagragaw hit butos hit Mayo 2022. 

Ha pagka-bise presidente, baga aadi an pipira na magkusog.

1. KIKO PANGILINAN

2. SARA DUTERTE

3. TITO SOTTO

4. LITO ATIENZA

5. WILLY ONG

It pakiana, HIN-O HINI HA IRA IT IM BUBUTUSAN?